Баклажа́н, е тĕксĕм çимĕçле йытçырли (лат. Solánum melongéna) — Йыт çырли (Solanum) ретенчи тĕс. Пĕр çул ÿсет. Çимĕçне çиме юрать. Вăл ботаника енчен çырла, кулинари енчен пахчаçимĕç шутланать. Тăван çершывĕ — Азири субтропиксем.
Соланум (лат. Solánum, выр. Паслён) — Соланум йышшисем (Solanaceae) текен йышри ÿсентăрансемн речĕ, мĕнпурĕ 1200-е яхăн тĕс шутланать[1], вĕсем субэкваториаллă, тропикла, субтропикла тата вăтам климатсенче тĕл пулаççĕ.
Ретре, сăмахран, ялхуçалăх культури шутланакан çĕрулми, баклажан, томат) тата эмел ÿсентăранĕ пек усă куракан пылак-йӳçĕ соланум, хура соланум шутланса тăраççĕ.
Чăвашла, кулленхи калаçура, йыт хурлăханĕ теме пултараççĕ. Анчах та ăслав шайĕнче апла асăнма меллех мар пуль.
Ку терминăн урăх пĕлтерĕшсем пур, пăхăр Йыт çырли (пĕлтерĕшсем).
