Араб лаши

Араб лаши — пирĕн эрăн IV—VII ĕмĕрсенче Арави çурутравĕнче кăларнă таса юнлă авалхи юлан ут ăрачĕ.

Араб лаши, Уильям Баррао ĕçĕ

Мĕнле курăнни

Пысăках мар, ăйăрĕсен ăмăрĕ çÿллĕшĕ вăтамран 153,4 см, кĕсрисен — 150,6 см. Ăйăрĕсен кăкăрĕ тавра 178,9 см, кĕсрисен — 172,9 см. Ăйăрĕсен чĕрне патĕнчи ури тавра 19,9 см, кĕсрисен — 18,4 см. Ӳссе çитнĕ лаша 450 кг яхăн туртать.

Хальхи таса юнлă араб лашисен тăватă тĕрлĕ тулаш пур:

• кохейлан — çирĕп конституциллĕ мăнă, сарлака кăкăрлă, чăтăмлă, хăвăрт чупакан лашасем; тĕсĕ хăмăр е хĕрлĕ-сарă;
• сиглави — ăратлă, илемлĕ вăтам пысăкăш çăмăл лашасем, хăвăртах чупаймаççĕ; тĕсĕ ытларах сăрă;
• хадбан — ăратсăр, анчах чи шултра араб лашисем, хăвăрт, чăтăмлă спорт лашисем; тĕсĕ хĕрлĕ-сарă е хăмăр, сайрарах сăрă;
• кохейлан-сиглави — хутăш тип, илемлĕ, сиглави типшĕмлĕхне тата кохейлан пысăкăшне илнĕ; кÿлепи çÿллĕ, йывăр ĕçе чăтакан

лашасем; тĕсĕсем — хăмăр, сăрă, хĕрлĕ-сарă.

Кун-çулĕ

Ку ут-лаша ăратне пулса тухма яланхи араб-бедуинсен вăрçисем май панă, вĕсем ку чăтамлă лашасемпе çар ĕçĕнче усă курнă.

Вуламалли

• Камбегов Б. Д., Балакшин О. А., Хотов В. Х. Лошади России: полная энциклопедия. — М.: Издательство «РИЦ МДК», 2002. — 240 с. — ISBN 5-94079-010-0.
• Wich, Judith: «Jewels of the Desert — The Magic of Egyptian Arabians», Orienta Publications, 2008 — ISBN 978-3-9811137-0-9.