Урум чĕлхи

Урум чĕлхи, — кăпчак ушкăнне кĕрекен грек-урумсен чĕлхи. Ку чĕлхе урумсем нумай пурăннă вырăнта саралнă: Донецкпа Запорожье облаçĕсенче. Çавăн пекех пĕчĕк ентешлĕх Грецире пур.

Урум чĕлхи 4 диалект çине пайланать.

Кун-çулĕ

Халĕ ку чĕлхепе калаçакансем Çурçĕр Азовçумра пурăнаççĕ. Вĕсене унта 1778 çулта Раççей правительстви Крымран куçарнă.

Урум чĕлхи кăпчак чĕлхинчен пулса кайнă. Крым тутарĕсен чĕлхине çывăх, çавна май ăна унăн диалекчĕ вырăнне те хураççĕ. Теприсем вара ăна уйрăм чĕлхе тесе шутлаççĕ.

Çыруллăх

Урум чĕлхиллĕ текстсене кăштах грек алфавичĕпе çырса хăварнă. 1927-1937 çулсем хушшинче латиница çинче никĕсленекен çыруллах йĕркеленĕ. Букварь кăларнă, шкулта вĕрентнĕ. 1937 çул хыççăн вара çыруллăхне пĕтерсе лартнă.

Урум чĕлхипе çыхăннă кĕнекесем питĕ сахал. Темиçе словаре çеç асăнма пулать.