Пушкай Леонид Иванович

Пушкай Леонид Иванович — чăваш сăвăçи, драматург. 1914 çулхи юпа уйăхĕн 19-мĕшĕнче Куславкка районĕнчи Илепар ялĕнче çуралнă. 1968 çулхи çĕртмен 19-мĕшĕнче вилнĕ.

Кун-çулĕ

Ял çамрăкĕсен шкулĕнче, Шупашкарти музыкăпа театр техникумĕнче ăс пухнă. Чăваш çамрăкĕсен театрĕнче режиссёр пулса ĕçленĕ. Джамбул хулинче театра илемлетнĕ.

Айăпсăр тĕрмене хупнă, 1954 çулта таса ятне тавăрнă.

Ӗçĕсем

1930-мĕш çулсенче унăн сăввисем çак кĕнекесенче пичетлĕннĕ:

• «Малтанхи парне» (1934);
• «Малтанхи утăмсем» (1935);
• «Комсомоли» (1936).

Унăн «Хаваслăх» пьесине тĕпе хурса В. Кривоносов пĕрремеш чăваш кĕвĕллĕ комедине çырнă.